Per anar mai luènh

« blagueta » vòl tanben prepausar al mond saberut o expèrt en linguistica un esplech collaboratiu, coma se’n fa ara un fum mercè lo ret d’internet. Segon las proceduras ara plan definidas per las entrepresas collaborativas d’aquesta natura.

« blagueta » prepausa d’o far per noirir corregir, melhorar, la basa de frasas ofèrta per consultacion al public larg. Es, s’o volètz, la sola tòca de la cooperacion prepausada.

Lo gròs del sintactic es d’ara endavant assegurat per de publicacions de bona qualitat. La grafia, que foguèt longtemps un domeni central, es pas nòstra tòca – e mai se fasèm coma cadun un planponh de dècas- e ten los mejans pròpis de cooperacion e de debat.
Pels diccionaris, i a tanben çò que cal d’institucions e d’editors…
La tòca  es donc pas d’anar per aqueles camps, ni de prene la plaça del mond qu’i trabalhan, mas d’apondre quicòm a l’òbra facha per la lenga dins aqueles camps.

Per cooperar, se cal evidentament marcar, e se far donar l’entrada. Aquò se fa par mail, çò qu’es normal per una “telaranha” del sègle XXIen.

« blagueta »